Kominn í frí

Jæja þá er kolmunnavertíð lokið og við tekur gott frí, vertíðin gekk bara sæmilega. En nú er hægt að fara að einbeita sér að laga síðunna!

Athugasemdir

[Hallgrímur Guðmundsson, 20.6.2007 kl. 17:30]

Sæll Geir við vitum báðir að það á sér stað þróun með skiljur á flottrollinu sem er alveg frábært. En það veist þú alveg eins og ég að þannig hafa málin ekki alltaf verið því miður. Einnig veistu að vonlaust er 
að setja skiljubúnað nót. Ég barðist fyrir því á sínum tíma að skiljan yrði lögleidd á rækjuveiðum og það get ég sagt þér 
að það var þung og erfið barátta sem þar fór fram vegna stór einkennilegra þröngsýni margra skipstjóra og ráðamann. 
Um netaveiðar, það er alveg stór einkennilegt hvað drepst lítið af fiski í netum nú til dags. Kannski er búið að finna upp svona góð net sem ekki drepa fiskinn, veit ekki . Auðvita vita allir hver andskotinn er í gangi honum er hent og ástæðan afskaplega einföld, þegar einhver kaupir kvóta fyrir tæpar 3000 kr kílóið eða leigir fyrir 200 kr kílóið er það einfaldlega þannig að dauðblóðgaður fiskur er það verðlítill að það svarar engan 
veginn kostnaði að landa honum. Brottkastið er ekki bara á smáfiski því miður. Dæmi: Fiskvinnsla sem er einnig í 
útgerð sérhæfir sig til dæmis í þorski að stærðinni 2,5 til 4,5 kíló, skipstjóranum er bannað að koma með smærri og einnig stærri fisk að landi, það segir sig sjálft hvað verður um 
hitt. Svona vinnubrögð eru til dæmis óþekkt hjá leiguliðunum þeir henda aldrei þessum stóra fiski. Þarna er til 
dæmis kerfið sem beinlínis skapar svona vinnubrögð. Vonandi fræðir þetta þig eitthvað?

[Geir F Zoéga, 20.6.2007 kl. 17:53]

Já Hallgrímur það er bara dapurt að vera alltaf að hlusta á trillukalla vera að væla og skæla út af okkur uppsjávar veiðimönnum, nótinn drepur ekki marga bolfiska það veist þú sjálfur ef þú hefur á annað borð stundað þær veiðar af ráði, Ég vissi vel af þessu brotkasti sem þú varst að fræða mig um hér það er hinsvegar spurning sem plagar mig hvort það sé kerfið eða mennirnir sem að framkvæma slíkan gjörning sem beri ábyrgð og ég fullyrði það að það eru mennirnir.  Ég hef farið á línu og fiskitroll þegar ég var í skólanum og hjá þeim útgerðum sem ég réri hjá þá var blátt bann lagt við öllu brottkasti þær ráða yfir miklum kvóta þannig að maður hlýtur að spyrja sig hvort að brottkast takmarkist við kvótaminni útgerðir!!  Annars er ég uppsjávarveiði kall vil ekki sjá neitt annað, en við sjómenn hljótum að geta rætt málin og staðið saman án þess að vera alltaf með þessar dylgjur út í hvora aðra.

[Hallgrímur Guðmundsson, 21.6.2007 kl. 01:31]

Ég veit það, á sumum skipum eru málin til fyrirmyndar sem betur fer. þetta hefur alltaf verið þannig , mönnum att saman, brotin niður öll samstaða síðan öskrar hver í sínu horni sem engu skilar nema skítkasti og viðbjóði manna á milli og vitrænar umræður fljúga út um gluggann á hraða ljóssins. Ég er að far á sjóinn kem betur að nokkrum málum á morgun þér til frekari skýringar.