Loðnuveiðar ofl.

Það er  eitt atriði sem brennur á mér, menn eru alltaf að tala um skaðsemi loðnuveiða í öllu formi og flotvörpuveiðum á síld og kolmunna og kenna okkur um allt það sem miður fer í málefnum þorsksins. En gera ekki ráð fyrir breyttum skylirðum í sjónum eins og allir vita þá kólnaði hann mjög hér á hafís árunum en er svo farinn að hlýna aftur það sést best á því að síldin er að koma aftur.  Stóra málið er í mínum huga brottkast og umgengni um auðlindinna það gefur augaleið að ef maður hendir miklu aftur í sjóinn þá er ekki hægt að sakast við þá hjá hafró.  Sumir segja að það sé kerfið sem skapi vandann, mín skoðun er sú að það séu mennirnir!! það er allvega sama hvaða kerfi kemur menn munu alltaf reyna að fara framhjá því á eithvern hátt og kerfi framleiða ekki fisk í sjónum.  Sjómenn hættið að henda fisk í sjóinn og sjáið hvað gerist ekki kenna loðnuveiðum um!!!!!!!

 

Athugasemdir

[Geir F Zoéga, 28.6.2007 kl. 15:23]

Ég er ekki sammála því, það eru sjómennirnir sem bera ábyrgð á því að koma með allan fisk að landi ef þeir telja sig ekki geta gert það þá eiga þeir að hætta útgerð og snúa sér að öðru!!!  Gæslan á að stórauka eftirlit og ef eithver verður tekinn fyrir brottkast á sá aðili ekki að mega stunda útgerð í 5 ár við fyrsta brot epp sami aðili verur uppvís tvisvar ævilangt. Það sama á við um framhjálandanir!!!!!

[Hallgrímur Guðmundsson, 29.6.2007 kl. 02:23]

OK. Hvað eigum við að gera við uppsjávarskipin sem eru að frysta? Það vita það allir kallinn minn hvernig þar er unnið. Þú ætlar kannski að halda því fram að þar sé ekkert að. Eintómir englar sem koma með allt að landi. Einnig nótaskipin. Hvað verður um alla slattana sem eftir eru í nótinni þegar allt er orðið fullt? Það segir sig sjálft ef við erum með sóknardaga stýringu kemur allur fiskur í land það dytti engum heilvita manni í hug að henda kaupinu sínu.

[Hallgrímur Guðmundsson, 29.6.2007 kl. 10:24]

Annars er eitt Geir sem ég er fyrir svo mörgum árum orðinn leiður á, það er að vera að rífast og skammast milli skipa. Það eru allir meðvirkir í 
vitleysunni, mönnum ber skilda til að standa 
saman. Hætta þessu skítkasti  hver í annan og 
snúa  sér að rót vandans.  
 

[Vilborg Traustadóttir, 29.6.2007 kl. 10:39]

Ég heyrði athyglisvert viðtal við fiskifræðing á mánudaginn var í Ríkisútvarpinu. Hann heldur því fram að við séum að rústa þorskinum með kvótakerfinu.  Það eigi að veiða meiri þorsk svo sá sem eftir er fái nóg æti.  Að hans mati eftir hans rannsóknir er þorskstofninn að hrynja trekk í trekk vegna þess að hann er of stór.  Það segir sig reyndar sjálft að ef bændur settu alltaf á of margt fé þá æti það sjálft sig út á gaddinn og hungurdauði blasti við því!  Lógískt hjá honum finnst mér.

[Geir F Zoéga, 29.6.2007 kl. 11:32]

Já Hallgrtímur ég er að reyna að vera ekki með neitt skítkast, ég get sagt þér eitt ég var á uppsjávarveiðiskipi sem frystir allan afla um borð og þar voru og eru ordrur um það beint frá útgerðarmanni og skipstjóra að henda engu í sjóinn!!!  þar er allt hirt ég get ekkert fullyrt um hin skipin en þannig er það allavega þar.  Svo er það aftur annað mál hvar rót vandans er við erum ekki sammála um það eða er það??  Með slattana í nótum þá er það gjörbreytt frá því sem var, því vinsluskipin eru farinn að kaupa úr nótum hjá guanóprömmum þannig að það fer nánast ekki neitt þar í sjóinn, ég veit að hér á árum áður var allt annað upp á teningnum en það hefur sem betur fer lagast!! Er hægt að segja það sama um kvótalitla báta? Sem leigja mikið til sín? Væri þá ekki bara ráð að banna alfarið leigu á kvóta og þetta myndi skána??

[Vilborg Traustadóttir, 29.6.2007 kl. 11:56]

http://dagskra.ruv.is/streaming/ras1/?file=4311434 Þarna er viðtalið og umfjöllun Spegilsins sem ég vísaði til.

[Geir F Zoéga, 29.6.2007 kl. 12:19]

Þakka þér fyrir ippa

[Hallgrímur Guðmundsson, 29.6.2007 kl. 15:31]

Það er vonandi að þetta hafi batnað, en við sem strandveiðar stundum vitum nokkuð vel hvað gerist þegar vinnsluskipin liggja til dæmis á reki innanfjarðar við frystingu. Sem er annað mál í sjálfum sér. Það eitt að banna alfarið leigu á kvóta er mikil einföldun á málinu. Þegar þessir sem eru hvað kvótamestir stunda brottkast, ekki bara á smáfiski heldur þeim stærsta líka, hljóta menn að sjá að banna hitt og þetta leysir lítinn vanda. Það er sorgleg staðreynd að það er alltaf leitast við að finna einhvern hóp sem er síðan úthrópaðir glæpamenn. Undantekningalaust er það langminnsti hópurinn sem eru leiguliðarnir. Það er venjan að 
ráðast á þá minnstu og gera þá tortryggilega. Einfaldlega vegna þess að það er einfaldast. Sóknardagastýring með einhverskonar hámarki í fiskitegundum kemur algjörlega í veg fyrir 
brottkast og framhjálandanir. Þar höfum við 
ljóslifandi sannanir og bendi á Færeyjar því til 
stuðnings.

[Geir F Zoéga, 29.6.2007 kl. 15:47]

það er eitt varðandi vinsluskipinn þegar við erum að byrja túr þá er ekki tankapláss fyrir allan afskurð þannig að fyrstu 300 tonnin af honum fara í sjóinn en enginn síld svo er hann hirtur eftir það en það fer enginn loðna í sjóinn en þú veist hvað það er lítii fiskur og þegar slöngur eru teknar í sundur fara alltaf eithver kg á dekkið, sóknardagakerfið gæti gengið á bolfisk en þeir sem eiga kvótann í dag fengju að sjálfsögðu daga miðað við sinn kvóta, en eins og þú veist eru uppsjávarveiðar duttlungafullar og slikt kerfi kæmi aldrei til greina þar eins og frændur okkur færeyjingar vita :)

[Hallgrímur Guðmundsson, 29.6.2007 kl. 17:37]

Það vita allir að sóknardagakerfi virkar engan veginn við uppsjávarveiðar, enda er ég hreint ekki að tala um það. En það tel ég skyldu okkar að skoða það á bolfiskveiðum. Ekki veit ég til þess að það sé vilji manna, að þeir sem kvótann hafa í dag séu einfaldlega teknir í rassgatið og fái 
engar 
bætur fyrir sínar fjárfestingar. Það er bara rugl að halda því fram. En auðvita fer alltaf eitthvað í hafið þegar slöngur og annað er tekið í sundur,annað er óhjákvæmilegt. En hugsaðu þér hvernig mismununin er, þú dælir um borð og þegar er verið að troðfylla lestarnar flæðir eitthvað útfyrir, síðan tekur þú í sundur slöngur og dót allt þrifið og gert sjóklárt. Samtals eru þetta kannski nokkur hundruð kíló, sem er bara eðlilegt. Í mínu tilfelli getur þetta verið nokkurn vegin svona. Ég er að draga línu og óhjákvæmilega missi ég einhvern fisk hvort sem ég ætla mér það eða ekki. Ef ég er óheppinn og Þyrlan eða tuðra frá varðskipi kemur að mér og sjá þetta, eru teknar myndir af kannski nokkrum fiskum og ég umsvifalaust rekinn í land. Þar er ég dreginn fyrir dómara og dæmdur fyrir brottkast. Sem sagt glæpamaður og sektin um það bil ein og hálf milljón + veiðileyfissvipting í langan tíma og trúðu mér það er nóg að fiskarnir séu bara fimm. Það er ekki alveg eðlilegt hvernig sumir eru meðhöndlaðir og aðrir stikkfrí, sem sagt mismunun. Þessi blessaði meðalvegur er ekki til.